الجزء الرابع من الفصل التاسع والستون رواية الخادمة الصغيرة الجزء الثاني 

كان قاعد في البيت مش بيعمل حاجة غير إنه يشرب سجاير وكل حياته واقفة ! حتى الشغل بقى قليل ما بينزل يتابعه ويتابع البناء ويقف مع العمال زي الأول  ... حاسس إن حياته كلها بتنتهي .. 

كل لحظة ليها مع جلال بتدمره خصوصًا بعد إللي حصل بينهم وبعد ما بطلت تقبل منه أي حاجة  لا حتى رسايل ولا مكالمات ... 

الباب خبط  ... فضل مكانه ببرود .

أو يمكن معندوش الطاقة إللي تخليه يقوم ويشوف مين بيخبط عليه وعاوزه ... كان قاعد في البيت الطويل العريض دا لواحده والفراغ مالي قلبه وحياته كلها ... 

فضل الباب يخبط والجرس يرن .. لحد ما قام مازن وهو كاره الدنيا .. وفتح واتصدم لما لقاها هي في وشه ! .. وأول جملة قالتها أول ما حطت عينها عليه 

_ ليه يا مازن ؟

كان هيطير من الفرحة بشوفتها وزي إللي روحه رجعت لما لقاها جات تاني البيت .. بس سؤالها ونظرتها خلته يقلق ومكانش فاهم حاجة ... وهنا رجعت سألت 

_ ليه حطتيله منشطات ... ؟ 

اتفاجئ مازن ووشه جاب ألوان .. لكنه مكانش يعرف انها عرفت انه عمل دا دلوقتي وعمله زمان ! ... 

_ منشطات إيه ومين أصلا ؟ 

مثل الجهل فدخلت خطوة للبيت وقفلت الباب بايديها ورجعت بصتله بحزن شديد 

_ اللي إنت حطيتله دلوقتي  ... وحطيتله زمان 

قلبه اتقبض وهي بتكمل وبتقول 

_ انجي اتكلمت وقالت كل حاجة .. 

كان هيشهق من الصدمة والخوف بس مسك نفسه وسأل 

_ قالت إيه؟

بصتله بعيون فيها تشكيك .. وقالت كلمات ذكية مبهمة 

_ قالت إنك جبتلهم المادة إللي كنت بتحطها لجلال ... وقالت حجات تانية كتير 

_ صدقتيها ؟ 

سأل وهو بيبص عينيها بيحاول يحسسها بالذنب إنها صدقت انجي .. فبصتله بحزن وسخرية مريرة 

_ آه صدقتها .. لأنها عمرها ما كدبت .. كانت طول عمرها واضحة في كرهها ليا 

فضل مازن ساكت مش عارف يرد .. الصدمة لسة متملكة منه .. قربت عليه وقالت 

_ يعني اتفقت مع اعدائي زمان واتفقت معاهم دلوقتي .. طب إزاي وأنت المفروض الوحيد إللي حبني وساعدني في حياتي ! 

سكوته خلاها تتألم أكتر لأنه هو الفاعل فعلا .. فهزت راسها والدموع في عينيها 

_ أنا مستاهلتش منك كدة أبدًا  .. 

_ أنا معملتش حاجة . 

انكر مازن بنبرة ضعيفة كأنه عارف ان خلاص مفيش مفر وانجي قالت حجات كتير ... 

رضا حست ان أكيد فيه أكتر مستخبي وهي متعرفش .. فقالت علشان تفهمه إنها عارفة 

_ أنا عرفت حجات تانية مقدرش أقولك عليها علشان مجرحكش .. لكن انت مش هامك مشاعري .. 

رجعت سخرت وهي بتقول 

_ خايفة على مشاعرك .. بس مكونتش أعرف إنك من زمان مكانش هامك غير نفسك .. 

قربت وقالت بحزن .. 

_ مكانش هامك غير إنك تغلب جلال .. يمكن أنا كلي على بعضي مش مهمة وممثلتش أي حاجة ليك ! ...وكله عشان تقهر جلال بس .

_ أقهر جلال !!

هنا مازن اتكلم وبقت نبرته اقوى ونظرة عينه كمان .. 

_ بعد كل إللي حصل دا ! .... وجلال هو إللي اتقهر ؟ 

قال بسخرية شديدة .. ورجع بصلها بقسوة وهو بيقولها كلام  خالي من الرحمة 

_ أقهر مين ؟ إللي خانك وقهرك بدل المرة ألف ! .. شوفتي وشهدتي بعينك على خيانته مع الرقاصة وسكتي وفضلتي .. اتهانتي ألف مرة وسكتي وفضلتي .. 

كانت بتبصله وكأنها مش عرفاه من قسوة نظراته ... وهو قربلها وقال بصوت عالي 

_ إللي أنا عملته دا علشان أنقذك ! ..

وقرب أكتر وهو بيفهمها مصايبه إللي فاكر انها عرفاها .. ولكنها أول مرة تسمع منه الكلام دا وعينيها مع كل كلمة كانت بتتوسع من الصدمة 

_ كان لازم جلال يشك فيكي عشان تمشي ! كان لازم هو إللي يمشيكي بالقوة والعافية طالما انتي اتجرحتي ألف مرة وممشتيش بنفسك !

بص في عينيها بقوة اكتر ورجع كمل 

_ كان لازم تشوفيه وهو بيخونك على سريرك بعينك !!! علشان تصدقي وتقتنعي انه كلب وحقير وميستاهلش ضفرك ... أنا عملت كل دا عشانك .. عشان أنقذك منه وتشوفي حياتك بعيد عنه . 

_ يعني إيه كان لازم يشك فيا ؟ 

سألت بمنتهى الهدوء وكأنها بتستوعب حاجة لأول مرة في حياتها  ... 

عرفت ان هو كمان كان بيخليه يشك فيها ويفكر إنها فعلا بتخونه .. وطالما هو كان بيعمل دا .. فطبعا جلال هيقتنع أكتر !!! لأنه  الفاعل بنفسه بيقوله آه  احنا بنخونك !!

* فيه عروض حلوة جدا الروايات كلها سعرها  ١٢٠ جنية أو روايتين سعرهم ١٠٠ *

✔️أسعار الروايات 

✔️رواية الخادمة الصغيرة الجزء الثاني  كاملة سعرها ٧٠ جنية 

✔️رواية ابنة الراقصة كاملة والنوفيلا بتاعتها سعرها ٧٠ جنية 

✔️نوفيلا عشق أولاد الذوات الجزء الأول كاملة سعرها ٣٠ جنية 

✔️حجز رواية عشق أولاد الذوات الجزء الثاني سعرها ٧٠ جنية 

والأسعار خارج مصر مختلفة يا جواهر 

✅️العرض هو لو اشتريتي روايتين مع بعض هتاخديهم بسعر ١٠٠ جنية بدلا من ١٤٠ جنية 

ولو اشتريتي تلت روايات .. هتاخديهم بسعر ١٢٠ جنية  بدلا من ٢٤٠ جنية وكمان هدية نوفيلا عشق أولاد الذوات الجزء الأول .. 

التحويل فودافون كاش على رقم 01098656097 

الاستلام فوري✅️