الجزء الثالث من الفصل الثالث والأربعون رواية الخادمة الصغيرة الجزء الثاني
_ بس اتعلمت واتغيرت .. والله أنا عمري ما اجرحك تاني أبدا ... أنا عايز أبقى أمانك… وأمان ولادي.
حركت إيدها لتمسّ شعره من فوق الأذن، نفس النعومة القديمة.
– تبقى أمانّا لما تِقوَى لنفسك الأول... تاخد دواك، وتاكل، وتسمع الكلام.
ضحك بخفة مبحوحة
– حاضر يا دكتورة.
قربت منه أكتر، حطّت جبينها على جبينه
– وخايف من إيه دلوقتي؟
– من إني أصحى وملاقيكيش.
– أنا هنا.
– ومش هتمشي؟
– مش همشي… بس إنت كمان متضيّعناش من تاني.
تنفّس بعمق، وكأنه أول مرة من زمان ياخد نفس كامل. شدّها لحضنه تاني، ووشّه غرق في شعرها، صوته اتكسَر بحنية
– المكافأة اللي طلبتها… هي دي.
– حضني؟
– أماني .
بيتهامسوا وشفايفهم قريبة من بعض لكن مفيش قبلة
. .. همس حاني وكله شغف وشجن ... همس وعود وعشق ...
قعدوا كده شوية كتير ... أصابعها بتعدّل ياقة التيشيرت على رقبته، وإيده ترسّم على ضهرها خطوط مطمّئنة.
الدنيا برا همومها تقيلة ، بس جوّا الأوضة في خفّة غريبة..
هي اتكلمن تاني كأنهل بتحطط عهد
– من بكرة دواك ما يفوتش، وأكلك ما يتأخرش، وعقلك تحكمه قبل الغضب الزعل ..
– أنا معاكي .. من إيدك دي ... لإيدك دي
ابتسمت واتسندت على صدره بضهرها وهو اتعدل ورا على المخدة، وهي فضلت في حضنه... جفنه اتقل، ونَفَسه اتنظّم.
قبل ما يغمض تمامًا، همس
– ما تسيبينيش جتى لو روحت في النوم .
– مش هسيبك... نام.
نام وهو مبتسم، وإيدها فوق قلبه كأنها بتحرس النبض. وفي وشّها هي، دمعة صغيرة نزلت في صمت ...
الرواية موجودة كاملة للبيع بدلا من الانتظار .. اسألونا عنها في وتساب 01098656097
نهاية الفصل❤️❤️ بكرة فيه فصل كمان . ولكن فيه فصل لما تتفاعلوا على الفيسبوك هينزل اضافي النهاردة ! استنوه