الجزء الرابع من الفصل الواحد والستون رواية الخادمة الصغيرة الجزء الثاني 

سفرة الجمعة اتحطت بأكل البيت اللي عملوه مخصوص عشان المناسبة.... الجو كان باين عليه احتفالي أكتر من ان هو غدا عادي ، بس من تحت الطرابيزة فيه نار صغيرة مولعة بين جلال ورضا اللي قاعدين مش طايقين يبلعوا لقمة وهما شايفين نعمات ورامز مبسوطين ... وبينهم الرومانسية دي كلها .. كانوا حاسين بحاجة غريبة لدرجة ان حمزة أخو جلال تحمحم وقال

_ الحمدلله شبعت . 

انتبه ليه جلال وقال 

_ إيه يا حمزة ما تاكل !بعدين وحشتني يا حبيبي اقعد شوية . 

حمزة بص للجو إللي حس ان هو أكبر منه وقال لأخوه 

_ معلش يا جلال أنا هبقى اكمل أكل مع يحي وحياة 

جلال هز راسه بتفهم وحمزة قام تحت نظرات الكل... وعادت تاني نظرات جلال لرامز وهو بيبصله بغيظ ان هو مستمتع ومراته بتأكله وهو بيأكل مراته ومشغولين عن الدنيا .. 

جلال نفسه كان بيبص لرامز والأكل واقف في زوره وبيتفرج عليهم ... 

رامز وهو بيساعد نعمات تقطع السمك 

– بالراحة يا نعمات ، إوعي تعوري نفسك.. أنا أقطعلك.

نعمات بابتسامة خجولة 

– يا رامز سيبني، أنا مش صغيرة.

جلال رافع حاجبه بسخرية 

– يا سلام! هو مفيش حد بيعرف يقطع السمك في البلد دي غير سي رامز؟!

قال رامز وهو بيبص لصاحبه وعارف رخامته 

_ اه انا بس ..  ليك فيه ؟ 

جلال ضحك بسخرية وبص ليهم وهو بيقول 

– أصل الحنية زايدة، عايز يبيّن إنه فارس أحلامها.

رضا اللي كانت قاعدة جنب جلال ضربته في ايده ورامز وهو بيبص لنعمات ومطنشهم 

– فارسها فعلاً.. واللي يضحك انك متعرفش اننا علطول بنأكل بعض .. دا انا كنت معاها بنسى آخر  مرة كلت فيها بإيدي امتى ..

نعمات تبص له بخجل وتهرب بعينيها في الطبق... وجلال بيبصله مش مصدق صاحبه القاسي اللعبي بيفصص السمك لمراته وبيأكلها 

جلال كح كحة مصطنعة وهو بيقول 

– يا سلام ! وفايدة إيدك ايه لما مش بتفطح بيها ؟!

رامز بابتسامة واسعة وهو بيرفع كباية الميه 

– بعمل بيها حجات تانية .. 

جلال بغيظ سأل 

_ زي إيه يعني ؟

ابتسم رامز باستفزاز وهو بيقول 

_ لما تكبر هبقى أقولك !

ابتسمت رضا فجلال بصلها بغيظ ونعمات اتكسفت ورامز كان مبسوط من ملامح جلال إللي لسة لحد دلوقتي لما يتم استفزازه بيتحول لجلال بتاع زمان إللي كل حاجة بتطلع منه بتضحكه ... 

وهنا جلال اتكلم وهو بيقلب الأكل بالملعقة 

– ، روميو وجوليت قاعدين قصادنا.. طب نخلص ونقوم ولا نسيبهم يعيشوا اللحظة ؟

وجه كلامه لرضا فهنا نعمات بهدوء وهي لتحاول تغيّر الجو 

– لا طبعا دا إنتوا منوّرين السفرة.. وجودكم هو اللي مفرّحنا... 

جلال بص لرامز وهو بيحط قطعة جمبري على نص معلقة رز وبيرفعها لنعمات عشان تاكلها وهي مكسوفة منهم أوي... وقال جلال 

– منوّرا إيه بس ؟! خليكي في اللي انتي فيه وكلي.. دا من كام يوم مكونتش عاوز تنطق .. 

رامز ضحك ونعمات حست بزعل شوية من كلمة جلال اللي كان شكله عاوز ينكد عليهم فعلا ! ، مد رامز إيده يحط شوية سلطة في معلقة لنعمات 

– سيبهم يقولوا يا نعمات .. إحنا عارفين قيمتنا عند بعض.. سيبوا العوازل يا حبيبتي 

جلال اتكاد فعلا وحط عينه في طبقه ورجع ياكل يحاول يشتت انتباهه عن صاحبه المستفز وفجأة وبصوت واطي بص لرضا وقال والأكل واقف في زوره

– مش قادر أبلع اللقمة.

اتاأففت رضا من حركاته الطفولية وبصتله بطرف عينها وبضيق من بين أسنانها قالت 

_ مش مصدقاك بجد .. أسكت بقى 

وهو بلع الأكل غصب عنه وقالها في المقابل من تحت لتحت

_ مش لو ادتيني فرصة كان زماني بأكلك أنا كمان ... 

هي كمان شكلها كان متضايق ومستفز من عصافير الكناريا دول .. وقالتله بضيق بصوت خافت بيتوشوشوا بيه رغم عنف نظراتك 

_ كان عندك ألف فرصة وعمرك ما أكلتني .

_ بس كنت باكلك ! 

رد عليها بنظرته الجريئة وهي استهزئت رغم احمرار خدودها من كلامه 

_ ودلوقتي ولا تعرف تأكلني ولا تاكلني

_ اوريكي حاللااا!!

رفع حاجبه وهو مستعد فبصتله بعنف وهي بتنهيه عن جنانه وبتسخر تاني .  

_ أسكت وكمل أكلك عشان الدوا يا حاج جلال .. 

جلال بصلها بزعل وسكت ... بس زعله كان زعل عيال خصوصا وهو بيرمي نظرته تاني لرامز ونعمات إللي بيضحكوا لبعض ورامز بيمسح جنب شفايفها بالمنديل... 

الجو كله بقى خليط من دفء ورومانسية بين رامز ونعمات ، ونكد وغيرة باينة على جلال ورضا، اللي طول الوقت يرموا تعليقات لكن في الآخر يبان إن غيرتهم مش قادرة تعكّر الجو تمامًا .. خصوصا جلال ... رضا على الأقل ماسكة نفسها بس جلال مفضوح على الآخر 

مع انهم أصلا عانوا زيهم .. نعمات ورامز حياتهم كانت صعبة جدا وعانوا كتير جدا ...ولكن جلال كان نفسه فعلا كل حاجة بينه وبين رضا تتصلح .. كان نفسه زمانه يصالحه بيها .. بس الظاهر فرحته لسة مؤجلة كتير أوي ... 

بعد ما الكل شبع وقعدوا يتكلموا شوية نعمات كانت هتقوم تساعد في لم الأكل كعادتها ، جلال فجأة قال بصوت عالي 

– خلاص يا جماعة.. والله مانتوا لأمين حاجة... إحنا اللي هنلم!

رضا بسرعة قالت واتفقت معاه ..

جواهر الكوكب الأبيض 💗 💗 

العرض لسة موجود .

أي رواية سعرها دلوقتي ٥٠ جنية .. 

رواية ابنة الراقصة كاملة والنوفيلا بتاعتها سعرها ٥٠ جنية بدلا من ٧٠ جنية 

رواية الخادمة الصغيرة الجزء الثاني  كاملة سعرها ٥٠ جنية بدللا من ٧٠ جنية ..

ونوفيلا عشق أولاد الذوات الجزء الأول موجودة كاملة سعرها ٣٠ جنية .. نوفيلا عبارة عن ١٢ فصل إضافي حلقات خاصة للأبطال وأحداث متسلسلة 💗💗

موجود رواية عشق أولاد الذوات الجزء الثاني ولكن حجز فقط وسعرها دلوقتي ٥٠ جنية

الأسعار خارج مصر ٣ دولار ل نوفيلا عشق أولاد الذوات الجزء الأول 

٥ دولار بدلا من ٧ دولار ل رواية الخادمة الصغيرة الجزء الثاني 

٥ دولار بدلا من ٧ دولار ل رواية ابنة الراقصة 

جميع الروايات كاملة

التحويل من خلال فودافون كاش على رقم 01098656097  

ومن خارج مصر من خلال paypal

العرض معانا لحد  العيد ! التواصل وتساب على رقم 01098656097