الجزء الرابع من الفصل الثالث والعشرون رواية الخادمة الصغيرة الجزء الثاني
_ يارامز دا أنا كنت بتنشئ على اني بس أعرف ولا أسمع ان حد شافها في مكان ولا شاف حتى واحدة شبهها .. دلوقتي هي معايا ... في نفس البيت وتحت نفس السقف .. بسمع صوتها وببصلها وبشاركها الهوا إللي بتتنفسه وبمشي على الأرض إللي بتمشي عليها .. دا أنا بصلي كل يوم رحعتين شكر قبل ما أنام من كتر منا محظوظ وربنا عوضني !! ..
جلال كان بيتكلم بعمق ومش بيختار كلامه هو بيقول اللي في قلبه بكل براءة فعلا وعفوية ورجع كمل
_ دا يارب دمها نعمة .. حتى وهي كرهاني ! أنا مبسوط انها هنا !! ويارب أعرف أصلح إللي عملته .. مع ان عارف ان أنا مستاهلش بس مش ق
كمل رامز وهو سمع الجملة دي منه قبل كدة
_ مش قادر متحاولش .
بصله جلال وابتسم بحزن فربت على كتفه رامز وقال
_ هترجعوا .. أنا واثق !! بس عرفها وفهمها كل حاجة حصلت
_ معنديش الجرأة أدافع عن نفسي .. أنا شايف إني ماليش عذر
_ معلش .. أنت كنت صغير أوي.. تربيتك ووضعك وحياتك .. وإللي حصل واتلعب عليكم بيه .. كل دا يا جلال يشفعلك ويخفف حدة اللي انت عملته ..
رامز كان بيحاول يقوي قلبه ولكن جلال كان خايف .. بس اتنهد وقال
_ تمام ربنا يعمل إللي فيه الخير .. المهم قوم ارتاح .. نعمات هجيبها تظبطلك المكان قبل النوم عشان متفتحش .
_ لا نعمات ظبطته قبل مااجي وكانت بتنضفه كل يوم
رد رامز فاستغرب جلال
_ وانت عرفت منين ؟
_ منا اتصلت بيها قبل ما أوصل..
رد رامز كان غريب بالنسبة لجلال .. ولكنه تجاهل الموضوع وعادي يعني لأن نعمات هي المسؤولة عن رعاية بيت رامز اللي هو عبارة عن ملحق لبيت جلال لأنه عاوز يعيشوا سوا فرامز مبعدش عن جلال خالص بل بالعكس ليه كمان مكان في البيت بتاع جلال لكنه مش دايما بييجي فيه عشان يسيب خصوصية للستات اللي عايشة فيه ...
قام رامز وراح لبيته وجلال قام وهو عارف هيروح فين كويس أوي ...
في عرض لمدة يومين .. رواية الخادمة الصغيرة الجزء الثاني ورواية ابنة الراقصة سعرهم سوا ١٠٠ جنية بدل ١٤٠ !!!... كلمونا على رقم وتساب 01098656097 .. أنا قولتلكوا انتوا هنا الأول 😂😂🫶 وبقول وبعيد وبزيد عشان بترجعوا تسألو على العروض تاني بعد ما تخلص 😡
نهاية الفصل٠❤️ الفصل دا يعتبر الفصل ال ١٦ في القناة الخاصة انتوا متخيلين !!! فاستغلوا العرض واشتروا. دلوقتي ❤️🔥