الجزء الأول من الفصل الثالث رواية الخادمة الصغيرة الجزء الثاني 

الفصل الثالث من رواية الخادمة الصغيرة الجزء الثاني ❤️❤️

______

حضنته قدام الكل، قدام جلال، قدام رامز، قدام كل الناس .. 

جلال وقف في مكانه...اتصدم.

الأرض بطلت تدور من حواليه ، وعينيه فتحت ببطء وهو شايف اللي ما كانش يتخيله حتى في أسوأ كوابيسه.

رمشة واحدة، وقلبه ولع... 

ملامحه اتبدلت، الصدمة اتحولت لغضب… غضب ناشف، غِليل مكبوت من سنين .. ازاي تبلى بين ايدين غيره ! 

اتقدم بخطوات سريعة فيها غضب وشد مازن من دراعه بعنف غير ظاهر عشان الشوشرة في البلد ، ونبرته طلعت جامدة، فيها نبرة راجل حاد وقوي ميقبلش بالمهزلة دي .. بصلها لأول مرة من أول ما شافها وقال بغضب 

– أنتي بتعملي إيه؟

مازن بعد خطوة عن رضا و وقف قدام جلال مباشرة، وصوته كان حاسم 

– مالكش دعوة هي بتعمل إيه…اتكلم معايا أنا.. 

جلال كان هيتجنن من بجاحتهم وجرأتهم وهاجمه 

– أنت نسيت إنت فين وهي تبقى مين ؟

مازن رفع حاجبه شوية، وقال بهدوء فيه نار

– إنت أكتر واحد عارف هي كانت إيه…

وبعدين صوته اتغلظ وكأنه بيقول لجلال رضا خلاص اختارت وضغط على حروف كلامه 

_ وقررت تبقى إيه من غيرك... 

رامز مد إيده بسرعة وهو شايف عيون جلال هتطلع من مكانها من الغضب والبلد كلها هتتفرج ومش هيقدر يسيطر على أعصابه ، مسك دراع جلال، وقرب منه وهمس له 

– اهدا… الناس حوالينا، مش وقته... 

_ طب وانت مسيت مين إللي علطول كان بيعلم عليك .. 

قال جلال لمازن ومقدرش يمنع نفسه انه يهينه فرد مازن بنبرة احتقار  

_ هتفضل طول عمرك كدة ! متخلف .. 

_ ادخلوا اتكلموا جوا أحسن هتفضحونا !! 

قال رامز وهو واقف بينهم وبيحاول يلم الدنيا قبل ما تكبر .. هو حرفيا شايف في عيون جلال انه بيرتكب جناية دلوقتي .. جلال اتجنن ومش قادر يقول إللي في قلبه .. لو طلع إللي في قلبه أو طلع جلال القديم .. هيهد الدنيا على دماغ الكل .. 

أول ما رامز اقترح ان جلال يدخل جوا هنا رضا بصت لمازن ومسكت ايده.. حركة مغابتش عن عين رامز ولا عيون جلال اللي تمنى انه يموت قبل ما يعيش لليوم دا .. هنا بص مازن ليهم وقال وهو رافع راسه .. 

_ جلال مش هينفع يدخل بيتنا .. 

بيتنا !! الكلمة اترددت على ودن جلال كأنها نار .. لهيب ! .. مازن بيسمع كلام رضا اللي بحركة واحدة بس .. فهمته وفهمها وعرف انها مش عاوزة جلال .. رضا مش عاوزة جلال !! ... عقله مقدرش يستوعب 

جلال شد نفسه بصعوبة، لكن عنيه كانت اتعلقت على رضا

هي ما قالتش ولا كلمة ولا ظهر على وشها أي تعبير .. 

بس رفعت عينيها، وبصتله…في نص عينه.

النظرة دي خبطته في روحه، شالته من مكانه وثبّتته في نفس اللحظة. 

نظرة مفيهاش لا خوف ولا ضعف، نظرة خالية كأنه شبح أدامها وكأنها مش شيفاه ...

جلال اتجمّد، وصوته اختفى، وحتى غضبه اختفى وبقى واقف مكانه مش قادر يتحرك... يوم كله صدمات فقد فيه القدرة على التعبير من شدى الصدمات كتير جدا .. 

هي سحبت إيد مازن بهدوء، وبدأت تدخل معاه البيت ومازن وراها وبعدين رفع ايده وحطها على ضهرها وأول ما وصلت عند نسيمة إللي كانت واقفة الحسرة في قلبها ... خلت مازن هو إللي ناحيتها والحركة دي حسست نسيمة إنها ولا حاجة وانها مجرد قمامة الدكتورة رضا لا يليق بيها انها تعدي من جنبها !! 

جلال ما اتحركش.. منطقش .. ولولا سحب رامز ليه .. كان زمانه فضل واقف ساعات بقه مفتوح من الصدمة ... 

________

دخلوا المكتب، الباب اتقفل وراهم، وسكون تقيل كان في المكان كأنه حمل تقيل على صدر جلال... مشي بخطوات مضطربة، عينيه تايهة، وإيده بتشد شعره كل شوية، وكأنه بيحاول ينفض أفكاره اللي مولعة جواه.

بدأ يلف حوالين نفسه زي اللي مش لاقي مدخل للهوى وبيحاول يتنفس بصعوبة ، زي اللي بيصارع فكرة مش قادر يصدقها... مش قادر يستوعب إللي شافه ! 

– أنا… أنا مش فاهم حاجة…إزاي؟!

إزاي قاعدين مع بعض بالشكل ده؟

إزاي مازن… يقعد معاها كده و أنا لأ ؟!

وهي ازاي قبلت على نفسها تحضنه وتلمسه ؟! 

سكت كأنه استوعب حاجة أخطر وقال بعيون مصدومة 

_ معقولة بتعمل كدة دايما ! معقوله بتلمسوا علطول ؟؟ كانت كل السنين دي معاه ازاي ؟؟ دي لسه على ذمتي يا رامز!مراتي!لسه مراتي!

وقف فجأة، واتسند على المكتب بإيده، صدره بيطلع وينزل بسرعة، ووشّه بيحمر، وملامحه بين الغليان والذهول.

لفّ بسرعة على رامز، عينيه بتلمع بالغضب والخذلان، وصوته نزل واطي، لكن مكسور 

– أنا هتجنن…والله يا رامز هتجنن.

أنا مش قادر أستوعب إنهم كانوا كده… قدامي... دي منطقتش بكلمة ! مبانش على وشها شعور بالذنب ولا بالخوف ولا حتى كسوف من إللي هي عملته .. وقلعت الحجاب إزاي؟ إزاي كل دا حصل !!؟ 

جلال قالها وهو حاسس إن قلبه بيتقطع، صوته مهزوز لأول مرة، مش عارف يصرخ ولا يعيط، كأنه بيغرق في محيط .. لكن الأخطر انه بيغرق جوا نفسه ! والغرق جوا نفسه كان مؤلم وأصعب بكتير ..

ولكل إللي عاوز يشتري رواية الخادمة الصغيرة الجزء الثاني... 

الرواية سعرها ٥٠ جنية ..

بينزل من أربع لسبع فصول .. ولكن كنت تعبانة الفترة إللي فاتت فنزل ست فصول منها .. بس رجعت تاني❤️

الرواية دلوقتي سعرها ٥٠ جنية ولكن بعد كدة طبعا سعرها بيغلى وبيرتفع .. ف أحسن وقت للشراء هو دا ❤️❤️

التواصل على رقم 01098656097 .. ورقم فودافون كاش هو 01098656097 .. نفس الرقم بتاع وتساب❤️❤️

وسعرها برا مصر ٦ دولار 🥰

كمان فيه رواية ابنة الراقصة ! الرواية موجودة كاملة عدد فصولها ٥٠ فصل طوال ... وسعرها ٧٠ جنية مصري ! و٧ دولار خارج مصر .. الرواية دي مختلفة من حيث الأبطال.. مفيش بطلة بريئة ..البطلة فظيعة ! بجد😈😭🙈 

معاها نوفيلا كمان هدية مقدمة مني .. صحيح لسة مكملتهاش .. ولكن هي ١٠ واتنشر منها فصل وفاضل تسع فصول وهكملها خلال هذا الشهر ❤️❤️ .. 

فيه كمان نوفيلا عشق أولاد الذوات.. ١١ فصل .. سعرها ٣٠ جنية ! .. مستنياكم يا جواهر ❤️❤️🤍🤍

وبس كدة .. مستنياكم في الجروب الخاص😜💗