الفصل الواحد والأربعون من رواية الخادمة الصغيرة

 الفصل الواحد والأربعون من رواية الخادمة الصغيرة 


الخادمة الصغيرة:

____

_ جلال رضا كانت

قالها مازن إللي اتحرج جدااا واترعب من دخلة جلال عليه بالشكل دا واتاكد أنه جلال أكيد فهمه غلط فحاول يدافع عن نفسه بس جلال مسابلوش أي فرصة وهجم عليه شده بعنف ورماه على الأرض وبدأ يضرب فيه

رضا كانت دايخة وشايفة المنظر من بعيد ولكنها تحاملن على نفسها ورفعت صوتها بعتعب شديد

_ سيبه .. سيبه يا جلال أني كنت تعبانة

مردش عليه وكمل ضرب في مازن إللي حاول يشرحله بس مسمحلوش جلال ، وهنا دخلت زهيرة على صوت الرزع والتكسير لقت جلال مبهدا ابنها خالص فدخلت تشده من هدومه

_ سيبه ، دا جزاته انه نقذ مراتك وحماها في غيابك

دفعت جلال بعيد عن أبنها ، كان بيتنفس بعنف رهيب وعيونه حمرا وشعره متبهدل وعرقان وكأنه أسد ثائر وعاوز ينقض على فريسته  وكملت زهيرة

_ مراتك عندها نزلة معوية وهبوط ووقعت في الجنينة ومازن هو إللي أسفعها ، بدل ما تشكره

مصدقش جلال إللي اتقال وكان هتبدأ ثورته من تاني لكن قبل ما يحصل أي حاجة فجأة رضا مقدرتش تمسك نفسها واستفرغت تاني على السرير فبص جلال وبدأت الصورة توضح في دماغه ... وللحظة وقف وفكر إن فعلاً رضا تعبانة وإن مازن نقذها ...

وهو واقف مشدوه من الموقف وبيحاول يستوعب شدته زهيرة من ايده وخرجته برا الأوضة هو ومازن وراحت هي ساعدت رضا أنها تتعدل وشالت الغطاء إللي اتوسخ وبعدين طلعت برا لقت مازن ماسك وشه مكان الضربة وعلى وشه ملامح الألم وجلال واقف جسمه متشنج وملامحه غاضبة ومتحفز لمازن فبتجري زهيرة على مازن بمنديل مبلل وبتطبطب على الجرح بتاعه وهي بتقول موجهه كلامها لجلال

_ أنت مش معقول بجد إزاي تضربه من قبل ما تسمع منه

رد جلال بغضب وهجوم

_ أسمع منه إيه دا أنا داخل عليه وهو حاضنها ومنيمها في سريره وهدومها متغيرة

ردت عليه _ أنا إللي غيرتلها لأنها رجعت وبهدلت نفسها ، وكنت برا بكلم الدكتور أشوفه أتأخر ليه

وهنا أتكلم مازن اخيرا وهو بيبص لجلال بضيق شديد

_ أنا مكنتش حاضنها ، أنا كنت بعدلها جسمها على السرير عشان مترجعش تاني

بصىله جلال بنظرات قاتلة ولكن زهيرة بصت حواليها فجأة وتسائلت باستنكار

_ وبعدين فين مامتك .. فين انجي أنا كنت سيباها معاهم

بص جلال حواليه وفجأة غمض عيونه لكا اكتشف إن أكيد أمه قصدت أنها تختفي عشان تثبت التهمة على رضا إنها بنت مش كويسة ...  وفهم إن رضا بريئة وامه هي السبب !!!

زهيرة هي كمان استوعبت الموضوع وقالت بخزي

_ مامتك وحركاتها البشعة

فجأة ظهرت انجي وشها رايق وملامحها مرتاحة ولا كأنها هي السبب في الخناقة إللي حصلت دي وسألت بتفاجئ مزيف وهي شيفاهم واقفين كدة

_ مالكم واقفين كدة ليه؟

تدخلت زهيرة بحدة وسألت_ كنتي فين يا انجي؟

ردت انجي بأسلوب طبيعي جدااا

_ كنت في الحمام مالك بتتكلمي معايا كدة

_ أبقى اسألي إبنك

قالتها زهيرة بضيق كبير من حركات وتصرفات صاحبتها ، زهيرة بتحب مازن لأقصى درجة ومش حب طبيعي لأ دا حب تخطى الحدود ومتحبش أبدا أي حد يتعدى عليه ولو حتى بلفظ ولكنها بتكون متضايقة جدا من إللي جلال عمله ومش طيقاهم ... وفي نفس الوقت هي ست ذوق وأصيلة وبتحبهم .. فالموقف كان محرج وتقيل جدا بالنسبة ليها

مالت زهيرة على مازن بتسأله بقلق وحرص شديد

_ مازن حبيبي أنت كويس..  حاجة وجعاك أوي

بص جلال واتامل حنان زهيرة على ابنها وبص لانجي إللي عمالة توقعه في كل مصيبة شكل وعمرها ما اهتمت بيه ، رغم إن ايده بتنزف وظاهرة إنها بتنزف لكنها ولا سألت حتى وكل إللي هي عملاخ إنها واقفة مش هاممها وذادت الطين بلة لما قربت منه وقالتله

_ إزاي تضرب صاحبك كدة ؟!! وعشان مين ؟ عشان الجربوعة إللي جوا دي

بصلها جلال بعتاب وزعل .. زعل طفل من أمه على إللي بتعمله فيه ومكانش قادر يرد عليها  .. هيرد على أمن يقولها ايه ؟!. ... ولكن الغيرة بتنهش فيه أكتر لما يلاقيها هي كمان بتهتم بمازن وبتسأله عن أحواله فبيرد مازن عليهم بقلق على رضا

_ أنا كويس بس هي مش كويسة حرارتها عالية أوي

جلال اتجنن بعد ما جاب سيرة رضا واتكلم عنها بالاهتمام دا ومقدرش يسيطر على أعصابه وهجم عليه تاني يشده من قميصه بعنف وهو بيصرخ فيه

_ مالكش دعوة بيها تاني

وسط صيحات زهيرة وانجي إنهم يخلوه يسيب مازن .. وفعلا سابه وتوجه بسرعة للأوضة فلحقه مازن وهو بيقوله

_ أنت رايح فين الدكتور زمانه جاي

بصله جلال بكره وقال _ هجيبلها دكتور في بيتنا .. عشان دي مراتي أنا ...

وبعدين بصلهم كلهم وإللي بيكونوا مذهولين من غضب جلال وتشنج عضلاته ونظراته المرعبة ليهم وهو بيقولهم في نبرة قوية وعالية وكلها انفعال وتحذير

_  أنتوا سامعين .. دي مراتي أنا !!!

وبيسيبهم ويدخل لرضا فعلاً.... وكل واحد فيهم مش مصدق تحول جلال خصوصا انجي إللي يتتصدم وبتحس إن رضا .. بقت خطر على ابنها !

_____

_ يلا نمشي

قالها جلال لرضا بعنف وهو بيلم حجاتها وبيحط جذمتها في شنطتها ، قلبها بيوجعها أنه مش معبرها ولا سأل فيها رغم إنها تعبانة وعلى آخرها فبتبصله وبتقول بعتاب شديد وصوتها كله ألم

_ مش تسألني بقيت كويسة الأول ولا لأ وتطمن عليا

رفع راسه وبصلها وقال ببرود كبير

_ بقيتي كويسة ولا لأ ؟ يلا نمشي ...

عيونها اتملت دموع وهي شايفة سخريته وقسوته عليها وقالت بوهن كبير

_ حرام عليك والله أنا بتقطع ومش قادرة

فجأة لقت وشه في وشها وهو بيهاجمها بعنف

_ إيه حبيتي القاعدة هناا؟!!!

جسمها اترعش منه وحافت من أسلوبه إللي خوفها وحسسها بالخطر فقالت بضعف

_ لا حول ولا قوة إلا بالله بتقول كدة ليه هو أني قادرة أقوم ومقومتش

شهقت اول ما لقت نفسها متعلقة على دراعه في الهوا وشالها بين ايديها ومعاها شنطتها في ايده هي كمان ..

من الدوخة إللي هي فيها الحاجة إللي عرفت لقطها هي ريحته الغريبة جداا وريحة جسمه الأغرب فسألت بقلق  وقلب مكسور

_ ريحتك مالها ؟ .... إيه الريحة دي يا جلال

شدها على صدره بعنف وهو بيقولها بعيون كلها اتهام وعنفوان

_ انتي مش بتقولي مش قادرة ؟ شاطرة ترغي وتقولي كلام مالوش لازمة وتلاحظي الروايح كمان

مكانتش عارفة ترد والتعب بيذيد عليها وفجأة راسها مالت على كتفه وراحت في النوم ... وجلال ضغط على جسمها بعنف شديد وهو بيتخسلها في حضن الزفت مازن وبيضغط على أسنانه كلمه عاوز يكسرهم .... حتة طفلة صغيرة تعمل كل دا ؟!! تشقلب حياته كل الشقلبة دي !!!  

بص لرضا بتوعد شديد وكشف عن أنيابه وهو بيقول

_ بس مش مشكلة ، أنا هربيكي من الأول تاني

______

اللي عاوز الرواية كاملة ..

يقدر يشتريها ب٥٠ جنية من خلال فودافون كاش على الرقم إللي هديهوله بعد ما يتواصل معايا على الانستجرام ووقتها هديله لينك قناة تليجرام هنزل عليها الرواية للمشتركين ال vip  😌🔥

نهاية الفصل .. هو فصل مش طويل أوي لكن إن شاء الله فيه  فصل يوم الخميس حلو أي أوي أوي أوي وطويل ❤️❤️❤️❤️❤️

وهنشوف فيه جلال وهو بيربي فعلاً رضا من الأول تاني ...

فتتوقعوا هيعمل إيه ؟؛

____


تعليق واحد

  1. جميلة أوى 🌹🌹
الموافقة على ملفات تعريف الارتباط
”نحن نقدم ملفات تعريف الارتباط على هذا الموقع لتحليل حركة المرور وتذكر تفضيلاتك وتحسين تجربتك.“
لا يتوفر اتصال بالإنترنت!
”يبدو أن هناك خطأ ما في اتصالك بالإنترنت ، يرجى التحقق من اتصالك بالإنترنت والمحاولة مرة أخرى.“
تم الكشف عن مانع الإعلانات!
”لقد اكتشفنا أنك تستخدم مكونًا إضافيًا لحظر الإعلانات في متصفحك.
تُستخدم العائدات التي نحققها من الإعلانات لإدارة موقع الويب هذا ، ونطلب منك إدراج موقعنا في القائمة البيضاء في المكون الإضافي لحظر الإعلانات.“
Site is Blocked
Sorry! This site is not available in your country.