اقتباس من رواية الخادمة الصغيرة

اقتباس من رواية الخادمة الصغيرة 


صوته العنيف ونظراته القاسية اللي خرجوا مع جملته الجارحة جدا خلتها تسكت وتبصله والدموع اتجمعت في عيونها . مرحمهاش جلال وقرب وشه من وشها اكتر وهو بيسألها 


_ قوليلي سبب واحد يخليكي تفرقي عنها 


بصت بعيد عن مرمى عيونه القاسية وهو بيكمل ويضغط على جروحها اكتر باحتقار 


_ انتي خدامة وهي خدامة , هي بتلف  وتدور حواليا من يوم ما رجعت وانتي بتلفي وتدوري حواليا من يوم ما رجعت 


دمعه نزلت من عيونها لما سعت كلامه , مسك جلال وشها بعنف وحركه وخلاها تبصله غصب عنها عنها وقال وهو بيبص في نص عينها من غير اي احساس 


_ فيه فرقين بينكم ... الفرق الأول انك اتجوزتيني أما الفرق التاني انك كنتي دايما بتحاولي تغريني ، بس هي ولا اتجوزتني ، ولا حاولت تغريني !


ورمى وشها من ايده بقرف فاتحولت دمعة رضا لشلال من الدموع  وقلبها انكسر من كلامه وحطت عيونها في الأرض زي المذنبين  والمهانين وجلال مسكتش وغضبه إللي جواه خلاه يجرحها بدون تردد وهو بيقول بغضب محتقن ومازالت عيونه مسلطة عليها 


_ هي أحسن منك 


عند اللحظة دي ارتفع صوت البكاء وحطت ايدها على وشها تداري نفسها وبكن صوتها اخترق أذنيه وهو واقف ....


صوت عياطها لسبب ما وتره واتعصب اكتر من  فمسك ايديها بعنف وشدها من على وشها وقال بانفعال 


_ بتعيطي ليه مش دي الحقيقة ؟؟؟؟؟؟


بصتله بنظرة كلها خوف وعتاب وحزن وعيونها حمرا جدا والعياط مش واقف لحظة وبينزل منها اكتر وغطت وشها تاني وبصت لتحت وحاولت تبعد نفسها عنه وكل التفاصيل دي خلت جلال يتضايق جدا من جواه ولكن غضبه كان أكبر بكتير من إنه يشفق عليها فقالها بسخرية حادة 


_ جرحت مشاعرك أوي ؟؟ 


فضل عياطها مستمر وجلال عمال يلف في الأوضة زي المجنون وهي عياطها بقالها عشر  دقايق مش بيهدى وعياط عنيف جدا بسبب كلامه إللي قتلها من جواها ، جلال نفخ بقوة من الغضب  ومسح شعره بعنف وراحلها على السرير بسرعة وهمجية وشد ايديها رفعهم من على وشها وشدها من دراعاتها عليه وهو بيقولها بصوت عالي آمر 


_ بطلي عياط 


غمضت عيونها رافضة تبصله فحس أد إيه هو جرحها فعلاً  .... ولكن أكتر حاجة بتزعله هو إنها بترفض تشوفه فبيحس إن غروره انجرح فقال بذهول 


_ انتي كمان مش عاوزة تشوفيني ؟! 


مردتش عليه وعيونها متفتحش فعض شفايفه بغيظ وقال بانتقام من أفعالها 


_ ليكي حق انتي فعلاً مالكيش عين عشان تبصيلي  بعد إللي عملتيه 


ارتفع بكائها فجأة أكتر من كلامه فغمض عيونه أعصابه مش قادرة تستحمل كمية النكد فهزها بعنف وهو بيزعق فيها 


_ بطلي بقى الزفت داااا مش بحبه 


حطت ايدها الحرة على بقها عشان تكتم صوتها فبصلها بقرف واشمئزاز ومشاعر كتير جدا متناقضة وقام سايبها بعنف ووقف أدام السرير وهو بيقولها بغضب 


_ ولا أقولك عيطي للصبح .., كلك على بعضك مش فرقالي   ولا أقولك عيطي للصبح .., كلك على بعضك مش فرقالي  


وخرج وسابها لواحدها تنقهر من العياط وكل إللي عكال عقلها يردده انها بريئة وأنها مأغرتوش دي مكانتش بتتجرء تبص في عينه حتى أول ما جه بس جدته هي السبب !! افتكرت فريدة وحزنت جدًا بسببها ولكنها من قلبها مسمحاها رغم إلمر إللي هي عيشاه بسبباه ومعايرة جلال ليها بأفعالها إللي كانت بتعملها معاه .....


اللي عاوز الرواية كاملة
يقدر يشتريها ب٥٠ جنية من خلال فودافون كاش على الرقم إللي هديهوله بعد ما يتواصل معايا على الانستجرام ووقتها هديله لينك قناة تليجرام موجود عليها الرواية للمشتركين ال vip إللي الرواية عندهم خلصانة 😌🔥

إرسال تعليق

الموافقة على ملفات تعريف الارتباط
”نحن نقدم ملفات تعريف الارتباط على هذا الموقع لتحليل حركة المرور وتذكر تفضيلاتك وتحسين تجربتك.“
لا يتوفر اتصال بالإنترنت!
”يبدو أن هناك خطأ ما في اتصالك بالإنترنت ، يرجى التحقق من اتصالك بالإنترنت والمحاولة مرة أخرى.“
تم الكشف عن مانع الإعلانات!
”لقد اكتشفنا أنك تستخدم مكونًا إضافيًا لحظر الإعلانات في متصفحك.
تُستخدم العائدات التي نحققها من الإعلانات لإدارة موقع الويب هذا ، ونطلب منك إدراج موقعنا في القائمة البيضاء في المكون الإضافي لحظر الإعلانات.“
Site is Blocked
Sorry! This site is not available in your country.