تعريف شخصيات رواية أسياد اللعبة
أهلا بيكوا في رواية رومانتكا الجديدة ❤️❤️❤️❤️🔥
الرواية كلها عامية مصرية يا جواهر الكوكب الأبيض 💎🤍
تعالوا على تلجرام عشان توصلكم الفصول قبل الوتباد ابحثوا عن اسم القناة في تلجرام هتلاقوها اسمها اهو
RAKAFALEF
بسم الله الرحمن الرحيم كدة .. مفيش شخصية في دول سالكة ! .. بس تمام يارب متشمتش .. كدة كدة أهم حاجة التهور أصلا...
يلا بينا على الشخصيات ❤️🔥
سليم الحربي
شاب عنده اتنين و تلاتين سنة .. غني جدا لكن قصته مختلفة شوية لأنه وصل للي هو فيه بالفهلوة وتشغيل الدماغ والخبث مش بجهده وبس .. بيجتهد آه بس بيراوغ وبيلعب أكتر وكمان بيوصل للي هو عاوزه بالحيلة والاستغلال .. مش معاه شهادة لكنه كان بيشتغل في السياحة لحد ما بنى علاقات بسبب شكله الحلو وطريقته الجذابة والساحرة في الكلام وبالعلاقات دي قدر يحقق حجات كتير منهم انه فتح شركة وهو لسة عنده ٢١ سنة وعلاقته بالأجانب حلوة أوي وخلت ليه صورة و image حلو أدام البلد كلها لأنه اتعرف ان " سليم الحربي " هو المفضل عند الأوروبيين وأي حد كان يتمنى يكون في فوج تبع شركة السياحة بتاعته .. ووصل بطريقته القوية في الإقناع وسمعته اللي اشتغل على انها تكون فخمة إنه يجذب مستثمرين ويبقى عنده عدة فنادق متفرقة في المناطق الساحلية والسياحية ... انتهازي جدا وميعرفش أبوه في المصلحة وكل همه الفلوس والسلطة والمكانة وشكله أدام الناس وبس .. متحكم جدا ومتسلط ومتهور ولسانه متبري منه وكل إللي حواليه بيخافوا من غضبه و تهوره ومالوش عزيز ولا كبير ولما بيتصعب بيبقى عليه وعلى أعدائه ومش بيهمه ... عنده جوانب سودا أكتر من كدة بكتير في شخصيته هنعرفها في أحداث الرواية .
تالا محمد الخالد
بنت عندها ٢٢ اتنين وعشرين سنة لسة متخرجة من الكلية كانت فاشلة جدا في الدراسة حاولت تدرس طب لكن معرفتش تكمل فيه فخرجت ودخلت كلية تجارة ومفيش جامعة مرموقة قبلتها رغم فلوس أبوها لكن مستواها الدراسي كان سيئ جدا وكل همها مكانش في الدراسة ولا في التعب كانت بتهتم بشكلها وجسمها وبس .. لكن في النهاية اتخرجت وكانت بتستعر من كليتها رغم قيمتها وأهميتها لكنها مكانتش حباها أو بمعنى أصح كانت بتبص لفوق أوي ومش عاوزة تشتغل عند حد .. جميلة ومغرية جدا وبتحب تظهر جمالها ورقتها وبتحب تظهر بشكل مثير وبتحب تستمتع بجمالها وجمال جسمها بغض النظر عن الدين وعن أي حاجة ودا خلاها محور اهتمام أي شاب يقابلها تقريبا وسحراهم كلهم .. طيبة واتربت من غير أم ولا اخوات لكنها بتسعى وراء المال والجاه والسلطة .. بس بتلعب بالنار .. واللي بيلعب بالنار لازم هيتحرق !
محمد الخالد والد تالا
أبو تالا بيشتغل عند سليم بس شغله معاه شغل من نوع مختلف .. هو بيساعد سليم إنه يقرب لبنات الطبقات العالية إللي أعلى حتى من سليم عشان يستفاد منهم ودا طبعا بصفته جواهرجي كبير جدا ومشهور بين الطبقات المخملية لكنه بيشتغل في أعمال غير قانوينة خاصة بشغله والسوق السودا ولأن سليم بيداري عليه وماسك عليه حجات كتير ميقدرش يرفضله طلب وكمان سليم بيجيب ليه زباين أجانب ودا كبر من اسم محمد الخالد انه الجواهرجي اللي بيتسافرله بلاد عشان يشتروا من تحت ايده قطع مميزة وفريدة من نوعها .. عارف طبع سليم القاسي والشرير ومع ذلك كان بيقربه من البنات وبيديله معلومات عنهم زي امتى هما مسافرين أو إيه حصل في حياتهم ودا بيفتح سكة لسليم إنه يقرب منهم ويحصل منهم على كل إللي هو عاوزه ويوصل لأهدافه ويعلى أكتر ...
دول أهم الشخصيات ... 🙃
يارب استر بجد ..
ها ايه الحوار ؟؟؟؟ الدنيا ايه طمنوني 😭😭😭
متنسوش تعملوا متابعة هنا romanticca8
الرواية دي نار .. وشرار .. وفيها استفزاز كتير جداااا فوق ما أي حد يتخيل .. اكتر حتى من رواية الخادمة الصغيرة 😭😭😂😂 بس مختلفة جدا جدا جدا وهتعجبكم أوووي ...
الواية تنزيلها على حسب تشجيعكم لو عاوزينها يومي هتكون يومي ولو عاوزينها شهري هتكون شهري 😠😈😈
شجعوني عشان ننزل بالفصل الجديدد 💗💗
مع السلامة
رومانتكا ❤️